大家同朋友聚會，會否開始不滿足於只是吃吃躺躺，吹水閒聊？若果想來一場高質的聚會，不妨試下玩「謀殺之謎」！

「謀殺之謎」是一種派對遊戲，在香港還未有很多人認識，但其實已經在歐美及兩岸流行了一段好時間。玩法和韓國綜藝《犯罪現場》及大陸綜藝《明星大偵探》差不多，先選定一個兇殺案劇本，由前來的賓客扮演相關的嫌疑人，而真正兇手就埋藏其中。玩家需要透過推理同查找線索，找出隱藏的兇手！

從前，想在香港搞一場謀殺之謎聚會要花費不少心機。從購買劇本、組織玩家、尋找場地、進行過程都是難題，加上過程至少需要3小時才能完整推理出劇本，都會令不少明明蠢蠢欲動的玩家卻步。不過今時今日，香港首間以謀殺之謎為主題的偵探推理遊戲館終於出現了！一次過幫大家做齊所有事前準備功夫，只需要帶個腦去就得！

位於牛頭角的Sherlock’s Home，佔地1000呎，同一般party room一樣，有三間派對房提供，亦有基本的唱k、麻雀、打機等設備，平日可用作一般派對場地。然而，它還有另一個神秘用途，便是提供謀殺之謎遊戲給大家玩！

想和朋友組團來玩，需要先在網上選好劇本。現時提供17個劇本選擇，玩家可以按照人數、難易度以及故事內容選擇劇本，預約時間。預約成功後，會有GM (主持人)透過whastapp協助組織及分發劇本，不用搞手操心，亦都慳了不少力。

遊戲館亦相當細心，因為某些劇本有特定場所及時代要求，為了令玩家更加入戲，現場有服裝道具提供。玩完之後，齊齊影張劇照，好有型好有張力！

玩謀殺之謎，秘訣在於投入，畢竟每個劇本，一生人只可以玩一次。玩家收到自己劇本後，可以細心閱讀自己的故事。如果抽中兇手角色，更加要想定辦法說謊言掩飾，洗脫嫌疑，甚至嫁禍他人，絕對比一般桌遊更具挑戰性！遊戲期間，亦講求玩家之間的不斷對話，交換情報，玩著玩著，說不定可以發掘到朋友鮮為人知嘅另一面，更考驗大家演技同熟悉程度，相當有趣。

今次小試牛刀，試玩了入門階級的《漫畫家之死》，整體感覺非常刺激，故事內容峰迴路轉。在有限的時間內，需要快速梳理線索劇情，找出每個人的動機和故事，是最引人入勝的地方。與此同時，主持人的帶領和清晰講解亦令初哥們極速上手，免卻咗好多睇說明書嘅麻煩。最後能夠成功破案，找出兇手，那種成功感真是試過先知！

平日大家看劇看得多，三個小時的遊戲，給大家一次成為劇中角色的機會，磨練腦力同邏輯推理，無論你們所演繹的，是史詩式風雲鉅製，抑或是笑到「甩轆」的八點肥皂劇，相信最終都會成為大家十分難忘嘅美好回憶，回味無窮。

Sherlock’s Home 神探福爾摩斯遊戲館

地址〡觀塘鴻圖道6-8號樂居工業大廈5樓E室

預約電話〡68113737

官方網址〡www.larphk.com

Google Map〡